Friday, November 30, 2007

Void

Jab mere paper chal rahe the tab mujhe hamesha ye hi lagta tha ki yaar kab khatam ho ye, aur kab main free ho jaoon . Aur ab jab paper poore ho gaye hain aur chhutiyan ho gayi hain to sach mein aisa lag raha hai ki yaar isse to kal tak hi achha tha kam se kam har samay kuchh karne ke liye to hota tha. Tension rehti thi lekin boriyat to nahi hoti thi. Aaj to saare din match hi dekhta raha, jaaffer sahi khel raha tha lekin phir bhi yaar poora din, vo bhi test match , is t20 ke zamaane mein, hadd ho gayi. Aur uske baad se yehi soch raha hoon ab kya karoon, kahan jaoon vagehra vagehra. Isi soch mein baithe baithe ghar pe rakhi hui mithaiyaan bhi saari khaa gaya pata nahi kis kis ki shadi ke naam ki. Ab ye post likhne bhi isiliye baitha hoon ki bhai banda kuchh to kare. Exams se pehle to gharwale bhi itne kaam batate the, ab unhe bhi koi kaam vaam nahi karvana mujhse kamaal hai.


Thand to kaafi ho gayi vaise is baar, par dekh raha hoon ki koi moongfali n all nahi mangvayi hui ghar pe, aaj hi lekar aaunga.


Hostel mein rehte rehte shakal bhi kauwwe jaisi ho gayi hai kal ragad ragad ke mail utarna padega

Chalo bhai ab moongfali lene jaata hoon, aadha ghanta aur time katega


Kisi ko pata hai kya ki hindi ko hindi mein kaise type karoon, mera matlab devnaagri lipi mein.


No comments:

Post a Comment